Прилепска Пиварница е компанија која верува во важноста на грижата за заедницата и создавањето подобри услови за сите нејзини членови. Токму затоа, компанијата продолжува со своите активности за поддршка на општествено значајни иницијативи.

Во рамки на својата заложба за општествена одговорност, компанијата донираше средства за поддршка на кампањата „Летен одмор 2026“ на СОС Детско село. Со оваа поддршка, на децата поддржани од СОС Детско село им беше овозможено летување исполнето со дружење, забава, нови искуства и моменти кои ќе останат како убави спомени.

„Веруваме дека секое дете заслужува можност да расте, да се развива и да создава среќни спомени. Поддршката на најмладите е инвестиција во иднината на нашето општество, а ние сме особено горди кога можеме да придонесеме за иницијативи кои носат радост и позитивни промени“, изјавуваат од Прилепска Пиварница.
СОС Детско село повеќе години посветено работи на обезбедување грижа, поддршка и можности за децата и младите без родителска грижа или во ризик од губење на родителската грижа. Прилепска Пиварница останува посветена на поддршката на проекти кои ја зајакнуваат солидарноста, хуманоста и чувството на заедништво.