Највисоката златна "Caleb Bradham" од Pepsi Co International доделена на Прилепска Пиварница

За прв пат од страна на Pepsi Co International доделена ни е највисоката златна награда “Caleb Bradham Quality Excellence Award“, за изминатата 2017 година за конзистентни високи перформанси во производство, квалитет и безбедност на храна. Оваа награда за 2017 година ја заслужиja само 18 фабрики кои произведуваат низ целиот свет  PepsiCo прозиводи во кои спаѓаме и ние, во следниот распоред: Една во Америка, единаесет во Европа и шест во Азија. Од нашата дивизија има уште три други фабрики на кои им е доделена награда, мeѓутоа бронзена.

Оваа награда е толку значајна и го означува врвното професионално работење,  токму поради нејзиното потекло. Наградата всушност го носи името на изумителот на пијалакот Pepsi и основач на компанијата Caleb Bradham (1867 – 1934). Тој  дипломирал Фармација на Универзитетот Северна Каролина, потоа продолжил да студира Медицина на Универзитетот во Мериленд, но морал да ги прекине студиите и да се врати во Северна Каролина, каде што отворил аптека по име “Bradham Drug Company”.  Работејќи тука, во 1893 година создал еден пијалак од кола, ванила и “ретки масла”, популарно наречен “Пијалакот на Бред”, којшто во 1898 година го преименувал во Pepsi Cola. Името на пијалакот го составил од пепсин и кола, бидејќи верувал дека овој пијалак го потпомага варењето на храната  во желудникот. Всушност Пепсинот е најважниот ензим што се содржи во желудечниот сок, каде неговата основа е да врши разградување на сите видови протеини. Пепсинот ги разбива протеините на нискомолекуларни соединенија – аминокиселини и така тие можат да влезат во крвотокот. Така при крајот на 1902 година е формирана компанијата “Caleb Bradham”, а следната година пијалакот Pepsi Cola е регистриран со заштитен знак. На врвот на успехот Bradham доделил франшизи за производство на Pepsi Cola во 24 Сојузни држави.

Внесете го вашиот датум на раѓање

За да влезете на страницата мора да имате повеќе од 18 години. Пополнете во следниот формат: дд мм гггг

ДД ММ ГГГГ

Прилепска Пиварница 2016 @ Сите права задржани.